Zasmučany trenier mazyrskaj «Słavii» paśla niaŭdałaha matča tak parazmaŭlaŭ z žurnalistam, što stvaryŭ miem
Matč pamiž minskim «Dynama» i mazyrskaj «Słavijaj» adbyŭsia 24 žniŭnia i zaviaršyŭsia pieramohaj minčan ź likam 3:1. Trenier Ivan Bijončyk svojeasabliva prakamientavaŭ vyniki hulni.
Paśla finalnaha śvistka da Ivana Bijončyka padyšoŭ žurnalist, kab vyśvietlić, što pajšło nie tak u hulni. Ale trenier «Słavii» byŭ ścisłym.
— Vy zdorava pačali druhi tajm, ale čaho nie chapiła, kab pieraviarnuć chod sustrečy? — spytaŭ žurnalist.
— Zdorava pačali druhi tajm, ale čahości nie chapiła, kab pieraviarnuć chod sustrečy, — adkazaŭ Bijončyk.
— Što čakać balelščykam ad matča sa «Słuckam»?
— Čakać nastupnaha matča sa «Słuckam», — adkazaŭ trenier.
Takim čynam Bijončyk abnaviŭ znakamity miem pra taktyku ad rasijskaha końnika Alaksandra Niasiajeva.