Засмучаны трэнер мазырскай «Славіі» пасля няўдалага матча так паразмаўляў з журналістам, што стварыў мем
Матч паміж мінскім «Дынама» і мазырскай «Славіяй» адбыўся 24 жніўня і завяршыўся перамогай мінчан з лікам 3:1. Трэнер Іван Біёнчык своеасабліва пракаментаваў вынікі гульні.
Пасля фінальнага свістка да Івана Біёнчыка падышоў журналіст, каб высветліць, што пайшло не так у гульні. Але трэнер «Славіі» быў сціслым.
— Вы здорава пачалі другі тайм, але чаго не хапіла, каб перавярнуць ход сустрэчы? — спытаў журналіст.
— Здорава пачалі другі тайм, але чагосьці не хапіла, каб перавярнуць ход сустрэчы, — адказаў Біёнчык.
— Што чакаць балельшчыкам ад матча са «Слуцкам»?
— Чакаць наступнага матча са «Слуцкам», — адказаў трэнер.
Такім чынам Біёнчык абнавіў знакаміты мем пра тактыку ад расійскага конніка Аляксандра Нясяева.