Jak vyhladaje vyzvaleny eks-mer Chiersona da rasijskaha pałonu i paśla FOTAFAKT

Siarod viernutych 24 žniŭnia u vyniku abmienu pałonnymi pamiž Ukrainaj i Rasijaj akazaŭsia i 65-hadovy były mer Chiersona Uładzimir Mikałajenka. Jak i zaŭsiody ŭ takich vypadkach, roźnica pamiž vyhladam «da» i «paśla» ŭražvaje.

Uładzimir Mikałajenka da rasijskaha pałonu i paśla jaho. Fotakałaž: UNIAN

Uładzimira Mikałajenku vykrali ŭ krasaviku 2022 hoda, kali rasijskaja armija amal bieśpieraškodna ŭvajšła ŭ horad.

«Ja akramia bietonu i krataŭ ničoha nie bačyŭ, siońnia moj druhi dzień naradžeńnia», — skazaŭ Mikałajenka, apynuŭšysia na voli. Jon pavinšavaŭ ukraincaŭ z Dniom niezaležnaści, jaki adznačajecca siońnia.

Ź viadomych asob, jakija viarnulisia va Ukrainu siońnia, možna taksama zhadać žurnalista ahienctva UNIAN Dźmitryja Chiluka, vykradzienaha ŭ sakaviku 2022 hoda ŭ Kijeŭskaj vobłaści. 

Dźmitryj Chiluk razmaŭlaje z rodnymi adrazu paśla vyzvaleńnia. Skrynšot ź videa

Taksama na voli jašče adzin žurnalist, Mark Kaliuš ź Mielitopala, a taksama miedyk Siarhiej Kavaloŭ z bataljona «Haśpitaljery», jaki ratavaŭ žyćci padčas abłohi «Azoŭstali».

Pavodle słoŭ prezidenta Ukrainy Uładzimira Zialenskaha, bolšaść vyzvalenych u vyniku siońniašnaha abmienu znachodzilisia ŭ pałonie z 2022 hoda. Usiaho siońnia abmianiali 146 ukrainskich pałonnych na 146 rasijskich. Abmien, jak i zvyčajna, vioŭsia praz terytoryju Biełarusi.

Kamientary da artykuła