Minčuk skraŭ hrošy z čužoha zaplečnika, ale pakarystacca nie paśpieŭ
U Minsku zatrymali 37-hadovaha miascovaha žychara, jaki skraŭ hrošy z čužoha zaplečnika, paviedamlaje minskaja milicyja.
Skrynšot ź videa
Haspadar pakinuŭ zaplečnik kala padjezda. Unutry jaho byli dakumienty, asabistyja rečy i 150 rubloŭ. Kali mužčyna viarnuŭsia, to pabačyŭ, što zaplečnika niama, i źviarnuŭsia ŭ milicyju.
Nieŭzabavie siłaviki vyjšli na padazravanaha. Jon pryznaŭsia, što hrošy ŭziaŭ, a zaplečnik schavaŭ pad łaŭkaj. Patracić na ŭłasnyja patreby skradzienyja srodki jon nie paśpieŭ: praź niekalki hadzin jaho ŭžo naviedali apieratyŭniki.
U dačynieńni da mužčyny ŭzbudzili kryminalnuju spravu za kradziež.