U centry Vilni ruskaja muzyka hučała hučniej za sireny. Miascovyja vyklikali palicyju, sprava vyklikała vialikaje abmierkavańnie
U centry Vilni z terasy adnaho z restaranaŭ na ŭsiu ivanaŭskuju hučała ruskamoŭnaja muzyka, u tym liku pieśni hurtoŭ «Ruki vvierch» i «Viahra». Pavodle śviedak, huk byŭ nadzvyčaj mocnym — hučniejšym za sihnały tryvohi. Aburanyja žychary źviarnulisia ŭ palicyju.
Palicyja pryjechała praz 15 chvilin. Akazałasia, što zakazčykami śviata byli hramadzianie Łatvii i Litvy, jakija zareziervavali terasu restarana na Łukiškach dla śviatkavańnia svajho partniorstva.
Palicyja abmiežavałasia papiaredžańniem, muzyku vyklučyli.
Kiraŭnica restarana Viesta Žamajcie adznačyła, što pa zakanadaŭstvie Litvy ruskamoŭnaja muzyka nie zabaronienaja, adnak pryznała: «Dla nas heta dobraja navuka — paśla hetaha mierapryjemstva my źmianili praviły, ruskaja muzyka ŭ nas niedapuščalnaja, i my budziem zahadzia infarmavać zakazčykaŭ».
Pradstaŭnik palicyi zapeŭniŭ, što prablema zaklučałasia nie ŭ movie piesień, bo kožny maje prava słuchać pieśni na luboj movie, a ŭ parušeńni normaŭ šumu.
Sprava šyroka aśviatlałasia ŭ litoŭskich ŚMI i vyklikała vialikaje abmierkavańnie.