Minskija ŭłady raskazali, dzie abstalujuć placoŭki dla plažnaha valejboła i futboła
Staličnyja ŭłady spravazdačacca, što ŭ horadzie bolš za 360 spartyŭnych abjektaŭ u krokavaj dastupnaści dla zaniatkaŭ sportam na śviežym pavietry — u dvarach, u skvierach i parkach. Jany raskazali pra płany nakont plažaŭ, jakija pryciahvajuć ludziej letam.
Fota: vecteezy.com
Na Zasłaŭskim vadaschoviščy (plaž № 9) u 2025 hodzie źjaviłasia placoŭka dla plažnaha futboła.
U trecim kvartale padobnyja abjekty źjaviacca ŭ zonie adpačynku «Žara» (Zavodski rajon) i ŭ parku imia M. Paŭłava (Maskoŭski rajon).
Na 2026 hod zapłanavana stvareńnie anałahičnych placovak u parkach imia Uha Čaviesa, 900-hodździa Minska i na plažy № 3 Cnianskaha vadaschovišča.
Akramia taho, u parku imia Uha Čaviesa płanujecca abstalavać dźvie placoŭki dla plažnaha valejboła.