Łukašenka pavinšavaŭ narod Ukrainy z Dniom Niezaležnaści, pažadaŭ «pa-sapraŭdnamu niezaležnaha raźvićcia»
24 žniŭnia Alaksandr Łukašenka nakiravaŭ vinšavańnie narodu Ukrainy z nahody Dnia Niezaležnaści. Prezident Ukrainy ŭ vinšavańni nie zhadvajecca, jak heta pryniata ŭ aficyjnaha Minska ŭ adnosinach da «niedružalubnych» krain.
Fota: Danylo Antoniuk / Anadolu via Getty Images
«Žyć pobač u miry i zhodzie spradvieku było pryznačeńniem biełaruskaha i ŭkrainskaha narodaŭ. Blizkaje suisnavańnie ŭstanaviła pamiž našymi ludźmi nieparyŭnyja kroŭnyja suviazi, zamacavanyja sumiesnym histaryčnym losam, ahulnymi chryścijanskimi kaštoŭnaściami i ščyrym siabroŭstvam», — havorycca ŭ vinšavańni.
«Jak by ni ciahnuli ŭ roznyja baki źniešnija siły, Biełaruś i nadalej zastajecca adkrytaj dla ŭkraincaŭ, — adznačyŭ Alaksandr Łukašenka. — My nastrojeny na ŭzajemavyhadnaje supracoŭnictva i kanstruktyŭny dyjałoh z našymi paŭdniovymi susiedziami».
«Ad usiaho serca žadaju hramadzianam Ukrainy znajści ŭłasny adkaz na siońniašnija vykliki, a vašaj šmatnacyjanalnaj krainie — mirnaha nieba, salidarnaści i pa-sapraŭdnamu niezaležnaha raźvićcia», — dadaŭ Łukašenka.