Rasijskija ŚMI pisali, jak syn Čykaciły pajšoŭ u USU, i navat pachavali jaho. A jon navat nie słužyŭ
«Ja žyvy i zdarovy», — skazaŭ jon sam u videazvarocie.
Syn Andreja Čykaciły Juryj žyvy i znachodzicca ŭ Charkavie. Raniej rasijskaja prapahanda pisała pra jaho słužbu ŭ USU i śmierć, ale heta akazałasia fejkam.
Infarmacyju pra jaho žyćcio paćvierdziła ŭkrainskaje vydańnie «Suśpilnie. Charkiv». Žurnalisty źviazalisia z mužčynam — jon słužyć nie płanuje, bo maje chraničnyja zachvorvańni. Da paviedamleńniaŭ pra svaju śmierć u rasijskich ŚMI, jak sam skazaŭ, stavicca abyjakava.
Pieršym pra jaho śmierć paviedamiŭ rasijski telehram-kanał SHOT.
Andrej Čykaciła byŭ savieckim sieryjnym zabojcam i hvałtaŭnikom, jaki z 1978-ha da 1990 hoda ździejśniŭ 53 dakazanyja zabojstvy. Jon naradziŭsia na Charkaŭščynie ŭ 1936 hodzie, ale paźniej źjechaŭ vučycca ŭ RSFSR, dzie i žyŭ potym.