U Minsku adkryli samuju niezvyčajnuju raźviazku — ałmaznuju. Vyjazdžać treba jak by na sustrečku FOTA
Što daje heta raźviazka? Padrabiaznaja schiema ruchu.
Fota tut i dalej: DAI Minska
U Minsku źjaviłasia raźbiežnaja ałmaznaja raźviazka sa źmianieńniem bakoŭ. Znachodzicca jana na skryžavańni MKAD, Ihumienskaha traktu i vulicy Babuškina.
U takoj raźviazcy supraćlehłyja kirunki ruchu na darozie, jakaja nie źjaŭlajecca aŭtastradaj, pierasiakajuć adzin adnaho pa abodva baki ad raźviazki, tak što ruch, jaki pierasiakaje aŭtastradu pa estakadzie abo padziemnym pierachodzie, idzie z procilehłaha boku.
Raźviazka (jaje taksama nazyvajuć padvojnaj pierakryžavanaj ałmaznaj raźviazkaj), jak tłumačyć DAI, vyklučaje kanflikt transpartu pry pavarocie naleva, što palapšaje biaśpieku na darozie i pavyšaje prapusknuju zdolnaść usiaho transpartnaha vuzła da 30%. A prapusknaja zdolnaść uvachodu pavialičvajecca na 50%, što dazvalaje źnizić ahulnyja straty ŭ darožnym ruchu.
DAI prosić aŭtamabilistaŭ być asabliva pilnymi i aściarožnymi pry prajeździe dadzienaha pierasiačeńnia.