U 16 škołach Minska buduć rychtavać daktaroŭ i miedsiaścior
Tak moładź buduć matyvavać pastupać u miedycynskija ŭniviersitety i kaledžy.
Ź vieraśnia ŭ škołach i himnazijach Minska adkryjuć 16 kłasaŭ miedycynskaha profilu. Hety profil uviali ŭ 2024 hoda.
Namieśnik staršyni Minharvykankama Andrej Stryhielski spadziajecca, što vypuskniki takich kłasaŭ stanuć matyvavanymi abituryjentami dla pastupleńnia ŭ miedycynskija ŭniviersitety i miedkaledžy, pieradajuć «Minsk-Naviny».
U stalicy jość dva miedycynskija kaledžy — Minski dziaržaŭny miedycynski kaledž i Biełaruski dziaržaŭny miedycynski kaledž. U hetym hodzie płan pryjomu tudy vykanany na 100%. Ahułam tudy pastupili amal 1500 abituryjentaŭ.
Stryhielski taksama raskazaŭ, jak u Minsku sprabujuć utrymać maładych miedykaŭ na pracy. Im dajuć miescy ŭ internatach, pavyšajuć zarobak, u tym liku šlacham nadbavak da akładaŭ za pracu pa kantrakcie, za składanaść i napružanaść pracy.