ZŠA prypynili abmien raźvieddanymi ab rasijska-ŭkrainskich pieramovach ź bližejšymi sajuźnikami
Dyrektar nacyjanalnaj raźviedki ZŠA Tułsi Habard vydała dyrektyvu, jakaja zabaraniaje dzialicca raźvieddanymi ab pieramovach pamiž Ukrainaj i Rasijaj navat ź bližejšymi sajuźnikami.
Tułsi Habard. Fota: Chip Somodevilla / Getty Images
Pavodle infarmacyi CBS News, Habard 20 lipienia vydała dyrektyvu, u jakoj zahadała raźviedvalnaj supolnaści ZŠA nie pieradavać infarmacyju ab chodzie mirnych pieramovaŭ pamiž Ukrainaj i Rasijaj navat raźviedkam krain «Piaci vačej» — u hety raźviedvalny aljans, stvorany paśla Druhoj suśvietnaj vajny, u jaki ŭvachodziać ZŠA, Vialikabrytanija, Kanada.
Pa słovach surazmoŭcaŭ, dyrektyva kłasifikuje ŭsiu infarmacyju i analityku, jakaja tyčycca pieramovaŭ, jak «NOFORN» (heta značyć «no foreign dissemination» — «nie dla zamiežnikaŭ»). To-bok jaje nielha raspaŭsiudžvać ni inšym dziaržavam, ni zamiežnym hramadzianam.
U toj ža čas zahad nie zabaraniaje abmien dypłamatyčnaj infarmacyjaj, atrymanaj inšymi kanałami, a taksama vajennymi raźvieddadzienymi, jakija nie datyčacca pierahavornaha pracesu, naprykład, detalami, jakimi ZŠA dzielacca z ukrainskimi vajennymi dla padtrymki abarončych dziejańniaŭ.