Urad zabaraniŭ vyvaz jabłyk bieź licenzii
Z 1 vieraśnia 2025 hoda ŭ Biełarusi na paŭhoda ŭvodzicca licenzavańnie ekspartu jabłykaŭ. Adpaviednuju pastanovu padpisaŭ premjer-ministr Alaksandr Turčyn.
Zdymak ilustracyjny. Fota z sacyjalnych sietak
Vyvaz jabłyk za miežy krainy, niezaležna ad taho, dzie jany vyraščanyja, budzie mahčymy tolki pa razavych licenzijach. Ich budzie vydavać Ministerstva antymanapolnaha rehulavańnia i handlu pa ŭzhadnieńni ź Minsielhascharčam, abłvykankamami i Minharvykankamam.
Rašeńnie ab vydačy licenzii buduć prymać upaŭnavažanyja orhany, uličvajučy bałans pamiž najaŭnymi zapasami jabłykaŭ u krainie i ŭnutranaj patrebaj na momant razhladu zajaŭki.
Hetaje rašeńnie pryniata dla taho, kab zabiaśpiečyć biełaruski ŭnutrany rynak jabłykami ŭ mižsiezonny pieryjad u poŭnym abjomie.
Čytajcie taksama:
«Jabłyčki pa 11 rubloŭ». Ceny ŭ kramie šakavali žycharku Žodzina