«Niemahčyma vyjhrać vajnu, nie atakujučy zachopnika». Tramp abvinavaciŭ Bajdena ŭ tym, što jon zabaraniaŭ Ukrainie bić pa Rasii

Prezident ZŠA napisaŭ čarhovy krytyčny post na adras svajho papiarednika i nazvaŭ Rasiju zachopnikam.

Donald Tramp i Uładzimir Pucin. Fota: Jae C. Hong / AP

Prezident ZŠA Donald Tramp zajaviŭ, što jahony papiarednik Džo Bajden zabaraniaŭ Ukrainie atakavać terytoryju Rasii.

U novym dopisie ŭ svajoj sacyjalnaj sietcy Tramp faktyčna nazvaŭ Rasiju zachopnikam.

«Vielmi ciažka, kali nie niemahčyma, vyjhrać vajnu, nie atakujučy krainu-zachopnika. Heta jak u sporcie: jość vialikaja kamanda ź bliskučaj abaronaj, ale joj nie dazvalajuć hulać u atacy. Šancaŭ na pieramohu niama! Toje ž samaje z Ukrainaj i Rasijaj. Karumpavany i vielmi niekampietentny Džo Bajden nie dazvoliŭ Ukrainie nastupać, a tolki abaraniacca. Nu i jak heta spracavała?» — napisaŭ Tramp.

Jon u čarhovy raz paŭtaryŭ tezis pra toje, što vajny b nie było, kali b jon byŭ prezidentam. A taksama paabiacaŭ usim «cikavyja časy».

Kamientary da artykuła