Izrailskaja armija pačała apieracyju pa akružeńni Hazy
Armija abarony Izraila pačała druhi etap apieracyi «Kalaśnicy Hideona», akružyŭšy horad Hazu. Pra heta 20 žniŭnia paviedamiŭ pres-sakratar CACHAŁ bryhadny hienierał Efi Defryn.
Fota: AP Photo/Maya Levin
Izrailskija vojski ŭtrymlivajuć vakolicy horada i ŭžo, jak paviedamlajecca, znajšli padziemny tunel z uzbrajeńniem. CACHAŁ zajaviŭ, što budzie papiaredžvać cyvilnych asob i dazvalać evakuacyju, kab minimizavać škodu.
Akramia taho, płanujecca humanitarnaja apieracyja dla dapamohi nasielnictvu siektara Haza. Pradstaŭnik armii adznačyŭ, što CHAMAS ciapier značna asłableny i nie zdolny zachavać svoj terarystyčny patencyjał, a taksama padkreśliŭ pracu pa viartańni zakładnikaŭ.
Da pačatku vieraśnia buduć mabilizavanyja 60 000 reziervistaŭ, jašče 20 000 užo słužać u bataljonach. Raniej Izrail admoviŭsia ad pieramirja z CHAMASam, patrabujučy vyzvaleńnia ŭsich zakładnikaŭ, a prapanovy pasiarednikaŭ nie była pryniatyja.
Čytajcie taksama:
U Hazie ad izrailskaha ŭdaru zahinuli piać supracoŭnikaŭ telekanała «Al-Džazira»
U Tel-Avivie dziasiatki tysiač čałaviek pratestavali suprać praciahu vajny i akupacyi Hazy
Hiermanija zamaroziła ekspart zbroi ŭ Izrail u adkaz na płany akupavać siektar Haza
Izrailskija ŭłady ŭchvalili płan Nietańjachu pa akupacyi horada Haza