Adnavili pastaŭki rasijskaj nafty praz raniej paškodžany naftapravod «Družba»
Słavakija i Vienhryja adnavili pastaŭki rastjskaj nafty praz trubapravod «Družba». Pastaŭki spynilisia ŭ noč na 18 žniŭnia paśla ataki ŭkrainskich dronaŭ na stancyju pierapampoŭvańnia ŭ rasijskaj Tamboŭskaj vobłaści, adnak za dva dni paškodžańni adramantavali.
Zdymak ilustracyjny. Fota: Janos Kummer / Getty Images
Ministr zamiežnych spraŭ Vienhryi Pieter Sijarta padziakavaŭ rasijskim słužboŭcam za chutkuju likvidacyju paškodžańniaŭ i zaklikaŭ nie čapać hety trubapravod, bo heta «nie ich vajna». Ministarka ekanomiki Słavakii Denisa Sakava, u svaju čarhu, paćvierdziła, što pastaŭki adnoŭlenyja na standartnym uzroŭni, a nastupstvy incydentu buduć minimalnymi.
Vienhryja i Słavakija, u adroźnieńnie ad bolšaści jeŭrapiejskich krain, pa-raniejšamu zaležać ad rasijskaj nafty, a syravina praz «Družbu» dla ich tańniejšaja, čym alternatyŭnyja pastaŭki.
Čytajcie taksama:
Ukraina ŭdaryła pa naftapravodzie «Družba», pastaŭki nafty spynienyja
Vienhryja zajaviła, što Ukraina atakavała naftapravod i spyniła pastaŭki nafty ŭ ich krainu
Tramp zapytaŭsia ŭ Orbana, čamu jon błakuje ŭstupleńnie Ukrainy ŭ Jeŭrasajuz