U Niaśvižy dvuchhadovy chłopčyk upaŭ uniz hałavoj z atrakcyjona
U Niaśvižy adbyŭsia niaščasny vypadak: dvuchhadovy chłopčyk atrymaŭ čerapna-mazhavuju traŭmu i strasieńnie mozha paśla padzieńnia z atrakcyjona, paviedamlaje BiełTA.
Fota ilustracyjnaje
17 žniŭnia dzicia 2023 hoda naradžeńnia trapiła ŭ Niaśvižskuju centralnuju balnicu, dzie jamu pastavili dyjahnaz — zakrytaja čerapna-mazhavaja traŭma siaredniaj ciažkaści i strasieńnie mozha.
Chłopčyk znachodziŭsia ŭ dziciačym zabaŭlalnym centry, dzie zalez na karusiel «Delfin». Kali jana pačała krucicca, mały spałochaŭsia i pasprabavaŭ saskočyć, u vyniku čaho zvaliŭsia hałavoj uniz i atrymaŭ traŭmy.
Pry praviercy abstavin zdareńnia ŭstanoŭlena, što nijakich supraćpraŭnych dziejańniaŭ adnosna dziciaci nie ździajśniałasia — jano upała samastojna.