Tramp admoviŭsia ad sustrečy z Pucinym u Maskvie

Prezident ZŠA Donald Tramp nie pryniaŭ prapanovu prezidenta Rasii Uładzimira Pucina pravieści nastupnuju sustreču ŭ Maskvie ŭ farmacie «try baki» — razam z prezidentam Ukrainy Uładzimiram Zialenskim. Jak paviedamlaje The New York Times, takaja mahčymaść abmiarkoŭvałasia padčas telefonnaj razmovy lidaraŭ ZŠA i Rasii ŭ paniadziełak.

Donald Tramp z Uładzimiram Pucinym, 15 žniŭnia 2025 h., Alaska. Fota: AP Photo / Julia Demaree Nikhinson

Pavodle źviestak vydańnia, havorka išła jak pra dvuchbakovuju sustreču Pucina i Zialenskaha, tak i pra varyjant z udziełam Trampa.

Adzin ź jeŭrapiejskich dypłamataŭ paviedamiŭ, što Pucin prapanavaŭ Maskvu ŭ jakaści miesca pieramoŭ.

«Jeŭrapiejskija lidaraŭ mocna naściarožyła takaja pierśpiektyva, ale Tramp vietliva admoviŭ Pucinu», — adznačyŭ surazmoŭca The New York Times.

Raniej ŚMI pisali, što i Uładzimir Zialenski taksama adchiliŭ mahčymaść sustrečy z Pucinym u Maskvie.

Kamientary da artykuła