«Na movie Rasii my tut nie razmaŭlajem». Sudździa čempijanatu Ukrainy tak arhumientavała žoŭtuju kartku za niespartyŭnyja pavodziny

U 3-m tury čempijanatu Ukrainy siarod žančyn kamanda «Kołas» z Kavaloŭki Kijeŭskaj vobłaści prymała kłub «Sisters» z Adesy. Pajadynak zaviaršyŭsia pieramohaj haściej ź likam 2:1, ale zapomniŭsia matč najpierš emacyjnym epizodam u kancy pieršaha tajma, piša «Trybuna».

Na 42-j chvilinie hałoŭny arbitr matča Anastasija Ramaniuk pakazała žoŭtuju kartku futbalistcy adeskaj kamandy Irynie Majbarodzinaj za niespartyŭnyja pavodziny z ahresiŭnymi vokličami na ruskaj movie.

U tranślacyi vyrazna było čuvać tłumačeńnie Ramaniuk hałoŭnamu trenieru «Sisters» pra pryčynu pakarańnia:

«Na movie Rasii my tut nie razmaŭlajem, heta čempijanat Ukrainy! Žoŭtaja kartka za niazhodu. I paprasiła hulca razmaŭlać na ŭkrainskaj movie. Heta čempijanat Ukrainy», — skazała Ramaniuk.

Pazicyju arbitra hledačy na stadyjonie sustreli apładysmientami. 

Kamientary da artykuła