Tramp i Zialenski zaviaršyli «vielmi dobruju» dvuchbakovuju sustreču

Prezidenty ZŠA i Ukrainy Donald Tramp i Uładzimir Zialenski zaviaršyli dvuchbakovuju razmovu, jakuju abodva nazvali «vielmi dobraj», i adpravilisia na sustreču ź jeŭrapiejskimi lidarami. Pra heta stała viadoma z tranślacyi Biełaha doma.

Donald Tramp i Uładzimir Zialenski. Fota: Alex Wong/Getty Images

Tramp zajaviŭ, što rasijski lidar Uładzimir Pucin na sustrečy na Alascy pahadziŭsia, što Ukraina pavinna atrymać harantyi biaśpieki. Jon dadaŭ, što «aptymistyčna nastrojeny» pa dasiahnieńni pahadnieńnia, jakoje strymaje dalejšuju ahresiju suprać Ukrainy.

Pa słovach Zialenskaha, na sustrečy jon raskazaŭ Trampu pra situacyju na poli boju. Jon padziakavaŭ amierykanskamu prezidentu za kartu, jakuju tam vystavili pierad ich razmovaj.

U toj ža čas ukrainski prezident adznačyŭ, što «adčuvalnyja pytańni», u pryvatnaści adnosna terytoryj, treba abmiarkoŭvać na trochbakovaj sustrečy pamiž Ukrainaj, Rasijaj i ZŠA.

Paśla taho słova taksama ŭziaŭ fiederalny kancler Hiermanii Frydrych Mierc, jaki skazaŭ, što da trochbakovaj sustrečy varta dasiahnuć spynieńnia ahniu. Na heta Tramp skazaŭ, što ŭ vojnach, jakija jon dapamoh zaviaršyć, abyšlisia biez hetaha.

Kamientary da artykuła