Biełaruski haspadarnik skłaŭ rejtynh raślinnych alejaŭ pavodle karysnaści

Dyrektar Babrujskaha zavoda raślinnych alejaŭ Ihar Sysoj u efiry kanała «Biełaruś 1» skłaŭ ułasny rejtynh samych karysnych alejaŭ.

Na dumku Ihara Sysoja, najmienš kaštoŭny — palmavy alej. Trochi vyšej jon pastaviŭ sojevy, jašče vyšej — słaniečnikavy. A voś pieršaje i druhoje miesca dzielać u jaho rapsavy i aliŭkavy alej — mienavita ich haspadarnik ličyć najbolš karysnymi.

Kiraŭnik zavoda nazvaŭ rapsavy alej «premijalnym praduktam» dla paŭsiadzionnaha ŭžyvańnia. A rabotniki hetaha pradpryjemstva adznačajuć, što jon nie tak chutka vyharaje padčas smažańnia i nie dymić.

U siužecie taksama adznačajecca, što navat paśla apracoŭki i ačyščeńnia karysnyja ŭłaścivaści rapsavaha aleju zachoŭvajucca. Chimiki padkreślivajuć, što hety pradukt ustojlivy da nahravańnia, nie ŭtvaraje kancerahienaŭ i źmiaščaje šmat vitaminaŭ (A, V, D, Je), a taksama kalcyj, fosfar i mahnij. Mienavita tamu jaho nazyvajuć «supierfudam» i paraŭnoŭvajuć pa karyści z marskoj rybaj, bahataj aminakisłotami i rybinym tłuščam.

Kamientary da artykuła