Adzin z samych upłyvovych mastakoŭ śvietu Aj Vejvej naviedaŭ Ukrainu i pabyvaŭ na froncie
Vejvej, jakoha nazyvajuć hałoŭnym mastakom sučasnaści, pabyvaŭ na bajavych pazicyjach na poŭnačy ad Charkava i pahutaryŭ z vajskoŭcami 13-j bryhady apieratyŭnaha pryznačeńnia «Chartyja».
Aj Vejvej i Piotr Viarziłaŭ. Fota: petyaverzilov / Instagram
Pra vizit artysta paviedamiŭ u instahramie rasijski akcyjanist i były vydaviec «Miedyjazony» Piotr Viarziłaŭ, jaki ciapier słužyć u USU.
«Vialiki Aj Vejvej — razumny, dziorzki i advažny — jakim i pavinien być dziejač kultury №1 na płaniecie Ziamla», — napisaŭ Viarziłaŭ.
Jon apublikavaŭ niekalki fota z mastakom.
Aj Vejvej i Piotr Viarziłaŭ. Fota: petyaverzilov / Instagram
Sam Vejvej zrabiŭ niekalki publikacyj u instahramie, pryśviečanych svajoj vandroŭcy va Ukrainu.
Aj Vejvej viadomy svajoj pazicyjaj suprać ułady KNR i baraćboj za pravy čałavieka. Pa viersii časopisa Time, jon zajmaje 24-y radok u śpisie samych upłyvovych ludziej śvietu. Z 2015 hoda jon žyvie pieravažna za miežami Kitaja.
Vejvej pracuje ŭ roznych žanrach — ad instalacyj i skulptury da architektury i dakumientalnaha kino. Siarod samych viadomych jaho prajektaŭ: dyzajn stadyjona «Ptušynaje hniazdo» u Piekinie dla Alimpijady-2008, instalacyja «Nasieńnie słaniečnika» u łondanskaj halerei Tate Modern, a taksama šmatlikija prajekty, pryśviečanyja biežancam i achviaram vojnaŭ.
Aj Vejvej va Ukrainie. Fota: petyaverzilov / Instagram