Funkcyi rehulatara ŭ turśfiery prapanujuć pieradać ad Minsportu Nacyjanalnamu ahienctvu pa turyźmie
Nacyjanalnaje ahienctva pa turyźmie Saviet Ministraŭ prapanuje padparadkavać uradu. Pra heta stała viadoma na pasiadžeńni ŭ Łukašenki, piša BiełTA.
Ilustracyjnaje fota
Ukaz, jaki źmianiaje niekatoryja roli ŭ kiravańni śfieraj turyzmu, jašče nie padpisany. Zhodna prapanovam, funkcyi rehulatara ŭ turystyčnaj śfiery pieradaduć ad Ministerstva sportu Nacyjanalnamu ahienctvu pa turyźmie.
Ahienctva pry hetym padparadkujuć uradu. Inšyja padrabiaznaści pakul nieviadomy.
Jak pieradaje pres-słužba Łukašenki, jon pastaviŭ pad sumnieŭ zroblenuju prapanovu. Jon pacikaviŭsia, što pieraškadžaje Ministerstvu sportu i turyzmu efiektyŭna kiravać halinoj i što źmienicca z pryniaćciem prajekta ŭkaza.
Zaraz Nacyjanalnaje ahienctva pa turyźmie padparadkavana Ministerstvu sportu i turyzmu. U struktury ministerstva jość Departamient pa turyźmie.