Polskija pahraničniki raskazali, kolki čałaviek nie puścili ź Litvy ŭ Polšču paśla adnaŭleńnia pamiežnaha kantrolu pamiž krainami
Z-za rostu vypadkaŭ niezakonnaha pierasiačeńnia miažy Polšča z 7 lipienia adnaviła pamiežny kantrol na miažy ź Litvoj. Ciapier jany raskazali pra vynik.
Fota: Pamiežnaja słužba Padlašskaha vajavodstva
17 žniŭnia pamiežnaja słužba Padlašskaha vajavodstva paviedamiła, što za čas adnaŭleńnia kantrolu byli pravieranyja 350 000 čałaviek, ź ich 121 nie ŭpuścili ŭ Polšču, a 52 čałavieki pieradali Litvie ŭ miežach pahadnieńnia ab readmisii, piša Delfi.
Byli zatrymany 16 čałaviek, padazravanych u arhanizacyi niezakonnaha pierasiačeńnia miažy abo ŭ sadziejničańni hetamu.
Pravierki pravodziacca ŭ 13-ci miescach na miažy ź Litvoj. Try miescy — aficyjnyja KPP, astatnija — časovyja.
Z-za rostu vypadkaŭ niezakonnaha pierasiačeńnia miažy Polšča z 7 lipienia pa 4 kastryčnika 2025 hoda adnaviła pamiežny kantrol na miažy ź Litvoj i Hiermanijaj.