U centry Minska pabudujuć niekalki žyłych kvartałaŭ. Dzie dla ich znajšli miesca
U Pieršamajskim rajonie idzie hramadskaje abmierkavańnie horadabudaŭničaha prajekta detalovaha płanavańnia terytoryi ŭ rajonie pr. Niezaležnaści — vuł. Filimonava — Ślapianskaj vodnaj sistemy — vuł. Makajonka — Dziciačaj čyhunki — miežy parku imia Čaluskincaŭ. Što tam buduć budavać, piša «Minsk-Naviny».
Architektary źviarnuli ŭvahu na terytoryju, jakaja, jak pakazana ŭ prajekcie, zaniata «zabudovaj ź nizkimi pakazčykami vykarystańnia, niesumiaščalnymi z horadabudaŭničaj značnaściu rajona». Razmova idzie pra bolš jak 10 ha staličnaj ziamli na vulicach Parnikovaj — Filimonava, zaniataj parnikova-ciapličnym kambinatam. Taksama ŭ miežy prajektavańnia traplajuć byłyja vytvorčyja terytoryi «Biełaruśfilma» i Ministerstva kultury, raźmieščanyja pablizu zavułka Makajonka. Mienavita hetyja dźvie zony stanuć placoŭkami dla ŭźviadzieńnia šmatkvaternaj vysokaščylnaj zabudovy.
Što pabudujuć
- dva 16-paviarchovyja damy (na 191 i 95 kvater);
- dźvie adkrytyja šmatuzroŭnievyja parkoŭki (157 i 107 miescaŭ);
- škoła na 700 miescaŭ;
- dziciačy sad na 230 miescaŭ;
- jašče adna škoła na 750 miescaŭ;
- hramadski abjekt z haražom-stajankaj.
Kali pabudujuć
Zaviaršeńnie budaŭnictva pieršaha kvartała kala vuł. Makajonka čakajecca da 2028 hoda. Druhi etap raźličany da 2030-ha, choć vyniasieńnie ciapličnaha kambinata pakul tolki ŭ płanach.
Čaho čakać
Žyły fond pavialičycca tut z 201 tys. da 491,7 tys. kv. m (kala 8 tys. kvater), nasielnictva — z 8,3 tys. da 17,5 tys. čałaviek.
Abmierkavańnie prajekta praciahniecca da 22 žniŭnia, zaŭvahi prymaje administracyja Pieršamajskaha rajona.