Rasija atakavała Charkaŭ, Adesu, Sumy. Jość zahinułyja
Napiaredadni sustrečy Trampa, Zialenskaha i lidaraŭ ES rasijskaja armija atakavała ŭkrainskija harady.
Nastupstvy rasijskaj ataki na Charkaŭ. Fota: Charkaŭskaja vajskovaja administracyja
Praz ataku «šachiedaŭ» u Charkavie zahinuli piać čałaviek, jašče 18 atrymali ranieńni, paviedamiŭ staršynia horadu Ihar Cierachaŭ. Udary pryjšlisia na Industryjalny rajon horada. U šmatpaviarchovym domie, kudy patrapiŭ dron, pačaŭsia pažar.
Siarod zahinułych — 45-hadovy mužčyna, 67-hadovaja žančyna, 16-hadovy chłopiec i adnahadovaje dzicia. Piać čałaviek na dadzieny momant ličacca źnikłymi, piša «Suśpilnie».
Nastupstvy rasijskaj ataki na Charkaŭ. Fota: Charkaŭskaja vajskovaja administracyja
Praz udary dronaŭ u pryharadzie Adesy zaharelisia dom i zapraŭka. Ratavalniki apieratyŭna likvidavali mahutny pažar. Da tušeńnia pryciahnuli pažarny ciahnik.
Pažar u Adesie, jaki pačaŭsia praz ataku dronaŭ. Fota: DSNS
U Sumach rasijskaja rakieta i bieśpiłotniki paškodzili abjekty hramadzianskaj infrastruktury, u tym liku budynak adnoj z navučalnych ustanoŭ.
Taksama ranicaj Rasija atakavała Zaparožža, paviedamiŭ kiraŭnik AVA Ivan Fiodaraŭ. Papiarednie, jość paciarpiełyja.