Pucin patelefanavaŭ Łukašenku i raskazaŭ pra sustreču z Trampam
Alaksandr Łukašenka i Uładzimir Pucin pahavaryli praz telefon. Jak paviedamlaje «Puł pieršaha», jany abmierkavali pieramovy na Alascy i jak heta źmienić situacyju.
Alaksandr Łukašenka i Uładzimir Pucin na vostravie Vałaam, 1 žniŭnia 2025 h. Fota: Gavriil Grigorov, Sputnik, Kremlin Pool Photo via AP
Pavodle pres-słužby Łukašenki, Pucin «padrabiazna prainfarmavaŭ biełaruskaha kalehu pra vyniki samitu Rasija — ZŠA».
Taksama jany abmierkavali «asobnyja pytańni dvuchbakovych biełaruska-rasijskich adnosin». Inšych padrabiaznaściaŭ nie paviedamlajecca.
Napiaredadni samitu 15 žniŭnia Łukašenku patelefanavaŭ Tramp. Padčas razmovy amierykanski prezident padziakavaŭ Łukašenku za vyzvaleńnie 16 źniavolenych i abmierkavaŭ mahčymaść dalejšaha vyzvaleńnia jašče 1300 čałaviek. Łukašenka ŭ svaju čarhu zajaviŭ, što praca nad vyzvaleńniem palitviaźniaŭ praciahvajecca, i zaprasiŭ Donalda Trampa razam ź siamjoj naviedać Biełaruś. Zaprašeńnie nibyta było pryniata.