Uvieś nastupny tydzień budzie prachałodnym i vilhotnym
Sinoptyk Dźmitryj Rabaŭ u efiry ANT zajaviŭ, što pieryjad ciopłych i soniečnych dzion zaviaršyŭsia. Z 18 pa 24 žniŭnia ŭ Biełarusi čakajecca pieravažna prachałodnaje i vilhotnaje nadvorje, charakternaje dla kanca leta.
Nad krainaj buduć trymacca atmaśfiernyja franty, prynosiačy abłoki, daždžy, tumany i tempieraturu na 2—3 hradusy nižejšuju za klimatyčnuju normu. Najbolš šancaŭ na ciaplejšaje nadvorje budzie na paŭdniovym zachadzie Biełarusi. Pachaładańnie ž pačniecca ŭžo ŭ niadzielu, 17 žniŭnia.
U pačatku tydnia daždžy i navalnicy pryniasuć vilhotnyja pavietranyja masy z Bałtyki. Nočču budzie +6…+12°C, udzień +18…+23°C. Padobnyja tempieraturnyja pakazčyki zachavajucca i ŭ aŭtorak.
U sieradu ŭ Biełaruś pryjdzie małaaktyŭny front z paŭnočna-zachodniaj Jeŭropy, mahčymyja karotkačasovyja daždžy. Nočču +9…+14°C, udzień +18…+24°C.
Z čaćviarha nadvorje pačnie vyznačać aktyŭny cykłon z paŭdniovaha zachadu Jeŭropy. Čakajucca daždžy roznaj intensiŭnaści, tempieratura budzie kantrasnaj: na poŭnačy kala +17°C, na poŭdni — da +27°C. U piatnicu stanie chaładniej: +14…+20°C udzień.
U vychadnyja, 23—24 žniŭnia, letniaje ciapło nie vierniecca: daždžy, mahčymyja navalnicy, nočču +7…+14°C, udzień +15…+20°C.