Miełoni paviedamiła, što Tramp hatovy dać Ukrainie harantyi biaśpieki pa madeli NATA
Premjer-ministarka Italija Džordža Miełoni paviedamiła, što padčas razmovy z prezidentam Ukrainy Uładzimiram Zialenskim i jeŭrapiejskimi lidarami prezident ZŠA Donald Tramp padtrymaŭ italjanskuju ideju dać harantyi biaśpieki Ukrainie na ŭzor 5-ha artykuła damovy NATA.
Džordža Miełoni. Fota: Marco Iacobucci/SOPA Images/LightRocket via Getty Images
Na praktycy heta maje aznačać, što Ukraina biez ustupleńnia ŭ NATA budzie mieć padtrymku ŭsich partnioraŭ, uklučajučy ZŠA, u vypadku paŭtornaha rasijskaha napadu.
Da hetaha telekanał SNN sa spasyłkaj na ananimnaha jeŭrapiejskaha čynoŭnika taksama śćviardžaŭ, što Tramp spasyłaŭsia na artykuł 5 damovy NATA, abmiarkoŭvajučy harantyi biaśpieki dla Ukrainy padčas telefonnaj razmovy.
Čytajcie taksama:
Mierc raskazaŭ pra «vialiki prahres» paśla sustrečy Trampa i Pucina
Lidary ES zajavili pra hatoŭnaść padtrymlivać Ukrainu i pracavać z Trampam
Tramp paraiŭ Ukrainie zhadžacca na ździełku z Rasijaj. Na jakuju — nie raspavioŭ