Piać hadoŭ tamu adbyłasia samaja maštabnaja demanstracyja ŭ historyi Biełarusi

U niadzielu, 16 žniŭnia 2020 hoda, na vulicy Minska vyjšli sotni tysiač demanstrantaŭ.

Demanstranty zaniali chodniki praśpiektaŭ Pieramožcaŭ, Mašerava, Niezaležnaści ŭ ich centralnaj častcy, vulic Niamiha, Mielnikajcie, Bahdanoviča, Staražoŭskaj.

Adny išli ad Steły, druhija — tolki da jaje. Vulicy byli zapoŭnienyja sihnalačymi mašynami.

U toj ža čas dobraja sotnia tysiač jašče stajała kala Steły. Ciažka acanić ahulnuju kolkaść demanstrantaŭ na vulicach Minska ŭ hety momant. Pa tahačasnych acenkach na vulicy Minska vyjšła da 400 tysiač čałaviek.

Z 16 žniŭnia 2020 hoda akcyi-manifiestacyi stali pa niadzielach tradycyjnymi, jany doŭžylisia niekalki miesiacaŭ. Taksama ŭ suboty pravodzilisia žanočyja maršy, a ŭ paniadziełki — maršy piensijanieraŭ.

Kamientary da artykuła