Tramp pieradaŭ Pucinu list ad Miełanii pra ŭkrainskich dziaciej

Pieršaja łedzi ŭ liście zakranuła temu stanovišča dziaciej va Ukrainie i Rasii.

Miełanija Tramp. Fota: Jacqueline Larma / AP

Prezident ZŠA padčas sustrečy z Uładzimiram Pucinym na Alascy pieradaŭ jamu list ad svajoj žonki Miełanii, paviedamlaje Reuters.

Pieršaja łedzi ŭ liście zakranuła temu stanovišča dziaciej va Ukrainie i Rasii.

«Čynoŭniki nie chacieli raskryvać źmiest lista, akramia taho, što ŭ im zhadvałasia pra vykradańnie dziaciej u vyniku vajny va Ukrainie. Pra isnavańnie lista raniej nie paviedamlałasia», — piša Reuters.

Paśla poŭnamaštabnaha ŭvarvańnia va Ukrainu rasijskaja ŭłada pačała masavuju kampaniju prymusovaha vyvazu ŭkrainskich dziaciej u Rasiju. Akupanty adbirali dziaciej u siemjaŭ, kab potym ich mahli niezakonna ŭsynaŭlać rasijanie, nahadvaje RBK-Ukraina

U pryvatnaści, tak zrabiła rasijski dziciačy ambudsmien Maryja Lvova-Białova. Jana ŭsynaviła chłopčyka, jakoha akupanty niezakonna vyvieźli z Maryupala.

Mienavita departacyja ŭkrainskich dziaciej stała pryčynaj dla vydačy Mižnarodnym kryminalnym sudom u Haazie ordara na aryšt Uładzimira Pucina i Maryi Lvovaj-Białovaj.

Pavodle danych Upaŭnavažanaha Viarchoŭnaj Rady pa pravach čałavieka Dźmitryja Łubinca, z pačatku poŭnamaštabnaj vajny Rasija departavała z Ukrainy bolš za 19,5 tysiačy dziaciej. Ciapier va Ukrainu ŭdałosia viarnuć bolš za tysiaču maleńkich ukraincaŭ.

Kamientary da artykuła