Tramp zajaviŭ, što zaraz damoŭlenaść pa Ukrainie zaležyć ad Zialenskaha
«My prystupajem da padrychtoŭki trochbakovaj sustrečy z udziełam: Zialenskaha, Pucina i mianie. Ja tam budu», — skazaŭ prezident ZŠA.
Skrynšot Fox News
Paśla samitu z Pucinym damoŭlenaść pa Ukrainie ciapier zaležyć ad Zialenskaha: jamu treba zhadzicca na ździełku, zajaviŭ Tramp u intervju Fox News.
«My prystupajem da padrychtoŭki trochbakovaj sustrečy z udziełam: Zialenskaha, Pucina i mianie. Jany chočuć, kab ja prysutničaŭ na ich sustrečy. Ja tam budu», — skazaŭ prezident ZŠA.
Jon zajaviŭ, što jaho adnosiny z Pucinym zaŭsiody byli cudoŭnyja, a na sustrečy anałahična.
«Ja abradavaŭsia słovami Pucina pra toje, što ŭkrainskaha kryzisu nie było b, kali b ja byŭ prezidentam ZŠA ŭ 2022 hodzie, a nie Bajden. U chodzie pieramovaŭ z Pucinym udałosia dasiahnuć vialikaha prahresu. Ja aceńvaju vierahodnaść zaklučeńnia pahadnieńnia pa Ukrainie jak davoli vysokuju», — skazaŭ Donald Tramp, padkreśliŭšy, što treba ličycca ź vialikim jadziernym patencyjałam Rasii.
«Na pytańnie pra niavyrašanaje važnaje pytańnie ja chacieŭ by nie raskryvać detali. Ja dumaju, chtości źbirajecca publična zajavić pra heta, jany raźbiarucca», — dadaŭ jon.
Čytajcie taksama:
Pucin i Tramp skončyli pieramovy. Tramp zajaviŭ, što ździełki pakul niama
Tramp paraiŭ Ukrainie zhadžacca na ździełku z Rasijaj. Na jakuju — nie raspavioŭ
Kali samit z Pucinym pravalicca, Tramp moža ŭvieści sankcyi suprać «Rasnafty» i «Łukojła»