Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ
Pres-słužba Łukašenki paviedamiła, što ŭviečary 15 žniŭnia pa daručeńni prezidenta ZŠA Donalda Trampa jamu patelefanavaŭ jahony pradstaŭnik Džon Koŭł, jaki razam z Krystafieram Śmitam adkazvaje za kantakty ź biełaruskim režymam.
Alaksandr Łukašenka paciskaje ruku Džonu Koŭłu padčas vizitu Kita Kiełaha ŭ Minsk 21 červienia 2025 hoda. Fota pres-słužby Alaksandra Łukašenki
Pavodle paviedamleńnia pres-słužby Łukašenki, surazmoŭcy abmianialisia dumkami adnosna pieramoŭ na Alascy, a Koŭł byŭ vymušany vysłuchać ad Łukašenki jašče raz usio toje adnosna situacyi va Ukrainie, što jon raniej užo raskazvaŭ samomu Trampu.
«Taksama pa inicyjatyvie amierykanskaha boku ŭ razmovie abmiarkoŭvałasia tema dvuchbakovaha biełaruska-amierykanskaha ŭzajemadziejańnia i mahčymyja sustrečnyja kroki», — havorycca ŭ paviedamleńni.
Možna mierkavać, što za hetymi ahulnymi słovami chavajecca abmierkavańnie ŭmovaŭ vyzvaleńnia čarhovaj partyi palitviaźniaŭ. Džon Koŭł niepasredna ŭdzielničaŭ u papiarednich raŭndach biełaruska-amierykanskich kantaktaŭ pa hetym pytańni.
Čytajcie taksama:
Cichanoŭskaja prakamientavała razmovu Trampa z Łukašenkam
Łatuška: Zvanok Trampa Łukašenku moža być źviazany z mahčymymi pieramovami na terytoryi Biełarusi
Łukašenka Trampu: Praca pa vyzvaleńni źniavolenych nie spyniajecca
Viačorka: Pahladzim, čym zakončycca Alaska
«Kali jon zrobić heta, jon stanie našym hierojem». Siarhiej Cichanoŭski padziakavaŭ Trampu