Позна ўвечары Лукашэнка паразмаўляў яшчэ і з Джонам Коўлам. Імаверна, гаворка ішла пра ўмовы і тэрміны вызвалення палітвязняў
Прэс-служба Лукашэнкі паведаміла, што ўвечары 15 жніўня па даручэнні прэзідэнта ЗША Дональда Трампа яму патэлефанаваў ягоны прадстаўнік Джон Коўл, які разам з Крыстаферам Смітам адказвае за кантакты з беларускім рэжымам.
Аляксандр Лукашэнка паціскае руку Джону Коўлу падчас візіту Кіта Келага ў Мінск 21 чэрвеня 2025 года. Фота прэс-службы Аляксандра Лукашэнкі
Паводле паведамлення прэс-службы Лукашэнкі, суразмоўцы абмяняліся думкамі адносна перамоў на Алясцы, а Коўл быў вымушаны выслухаць ад Лукашэнкі яшчэ раз усё тое адносна сітуацыі ва Украіне, што ён раней ужо расказваў самому Трампу.
«Таксама па ініцыятыве амерыканскага боку ў размове абмяркоўвалася тэма двухбаковага беларуска-амерыканскага ўзаемадзеяння і магчымыя сустрэчныя крокі», — гаворыцца ў паведамленні.
Можна меркаваць, што за гэтымі агульнымі словамі хаваецца абмеркаванне ўмоваў вызвалення чарговай партыі палітвязняў. Джон Коўл непасрэдна ўдзельнічаў у папярэдніх раўндах беларуска-амерыканскіх кантактаў па гэтым пытанні.
Чытайце таксама:
Ціханоўская пракаментавала размову Трампа з Лукашэнкам
Латушка: Званок Трампа Лукашэнку можа быць звязаны з магчымымі перамовамі на тэрыторыі Беларусі
Лукашэнка Трампу: Праца па вызваленні зняволеных не спыняецца
Вячорка: Паглядзім, чым закончыцца Аляска
«Калі ён зробіць гэта, ён стане нашым героем». Сяргей Ціханоўскі падзякаваў Трампу