U Pakroŭsku začyścili ŭsie rasijskija DRH
Siły abarony Ukrainy całkam začyścili horad Pakroŭsk ad rasijskich dyviersijnych hrup. Ciapier pa horadzie možna pieramiaščacca. Pra heta paviedamlaje 7-y korpus Desantna-šturmavych vojskaŭ Ukrainy, piša «Suśpilnie».
Ukrainski vajskoviec prachodzić mima paškodžanych budynkaŭ u centry Pakroŭska Danieckaj vobłaści, 23 krasavika 2025 hoda. Fota: AP / Michael Shtekel
«Siłami 7-ha korpusa DŠV i sumiežnych padraździaleńniaŭ horad začyščany ad varožych hrup i adzinočnych rasijan. U horadzie pracujuć ukrainskija vajskoŭcy, pieramiaščajucca miascovyja žychary», — havorycca ŭ paviedamleńni.
U bryhadzie dadali, što pieramiaščeńnie pa samim horadzie abmiežavana pa pryčynach biaśpieki, ale ŭ Pakroŭsk mahčyma trapić.
«Zachodzili varožyja DRH, sprabavali pracavać u horadzie, ale siły abarony Ukrainy, 25-ja bryhada, sumiežniki vybili ŭsich, źniščyli ŭsich i ciapier u horadzie niama varožych DRH, usio ŭ paradku. Ciapier u horadzie možna pierasoŭvacca, niama napadaŭ, napadaŭ na aŭto, na piešych», — śćviardžajuć ukrainskija vajskoŭcy.
Čytajcie taksama:
Praryŭ rasijan kala Dabrapolla: ci sapraŭdy USU ŭdałosia niejtralizavać pahrozu
USU: Situacyja na Dabrapolskim kirunku stabilizujecca
«U bližejšyja hadziny vyrašycca los 29% terytoryi DNR, što zastalisia pad kantrolem Ukrainy»
Rasijskaja armija prarvała pad Dabrapollem apošniuju kapitalnuju liniju abarony Danbasa