Łatuška: Zvanok Trampa Łukašenku moža być źviazany z mahčymymi pieramovami na terytoryi Biełarusi
Kiraŭnik Nacyjanalnaha antykryzisnaha ŭpraŭleńnia i namieśnik kiraŭnicy Abjadnanaha pierachodnaha kabinieta Biełarusi Pavieł Łatuška vykazaŭ u svaim telehram-kanale ŭłasnuju viersiju, dziela čaho mahła adbycca telefonnaja razmova prezidenta ZŠA Donalda Trampa z Alaksandram Łukašenkam.
Pavieł Łatuška. Fota: Ofis Śviatłany Cichanoŭskaj
«Važna vykazać padziaku Prezidentu Złučanych Štataŭ Amieryki za toje, što tema vyzvaleńnia palityčnych źniavolenych u Biełarusi znachodzicca ŭ pryjarytetnym fokusie ŭvahi prezidenta Donalda Trampa.
Nieabchodna padtrymlivać namahańni prezidenta ZŠA i Dziarždepartamienta ZŠA pa vyzvaleńni ŭsich palitviaźniaŭ u Biełarusi.
Miarkuju, što telefonnaja razmova mahła adbycca ŭ suviazi z patencyjnymi źmienami hieapalityčnaha charaktaru i mahčymymi pieramovami na terytoryi Biełarusi pa pytańni pieramirja ŭ vajnie Rasii suprać Ukrainy.
Abjadnany pierachodny kabiniet nieadnarazova pieradavaŭ svaje prapanovy amierykanskamu boku pa pytańni vykanańnia režymam umovaŭ dla prypynieńnia sankcyj u dačynieńni da režymu Łukašenki.
Nam važna prytrymlivacca paśladoŭnaj pazicyi: vyzvaleńnie ŭsich palitviaźniaŭ, spynieńnie represij i dekryminalizacyja hramadska-palityčnaha žyćcia ŭ Biełarusi mohuć stać pieradumovami dla prypynieńnia sankcyj i pačatku nacyjanalnaha dyjałohu dla vyrašeńnia ŭnutrapalityčnaha kryzisu.
Liču, što vyrašeńnie pytańniaŭ rehijanalnaj biaśpieki biez urehulavańnia ŭnutrypalityčnaj situacyi ŭ Biełarusi niemahčyma», — piša Pavieł Łatuška.
Čytajcie taksama:
Daradca Cichanoŭskaj raskazaŭ pra ich kamunikacyju z uładami ZŠA
Cichanoŭskaja prakamientavała razmovu Trampa z Łukašenkam
Bałkuniec: Ja źviazaŭsia z pamočnikami Trampa i paprasiŭ vyzvalić 1300 palitviaźniaŭ