U Varšavie biełarus uciakaŭ ad palicyi i trapiŭ pad koły aŭtamabila
Incydent adbyŭsia ranicaj 14 žniŭnia na vulicy 11 Listapada ŭ Varšavie, kali palicejskija spynili kiroŭcu Opel dla pravierki pa padazreńni ŭ zachoŭvańni narkatyčnych srodkaŭ, piša Most.
Fota ilustracyjnaje
Pavodle infarmacyi palicyi, 28-hadovy biełarus admoviŭsia nazvać svaje danyja i pasprabavaŭ schavacca. Jon vybieh na prajeznuju častku, dzie jaho źbiŭ aŭtamabil BMW.
Palicejskija akazali paciarpiełamu pieršuju dapamohu i vyklikali chutkuju. Mužčynu ź pierałomami kaniečnaściaŭ dastavili ŭ balnicu ŭ supravadžeńni pravaachoŭnikaŭ.
Pry ahladzie aŭtamabila Opel, na jakim pierasoŭvaŭsia mužčyna, palicyja znajšła rečyvy nieviadomaha pachodžańnia; ich nakiravali na łabaratornyja daśledavańni. Palicyja pravodzić dalejšyja pracesualnyja dziejańni.
Čytajcie taksama:
Biełarusa vydalili z bazy Interpała, dapamoh Ofis Cichanoŭskaj
U Polščy troch biełarusaŭ sudziać za padpały handlovych centraŭ
Šaściarych biełarusaŭ i 57 ukraincaŭ vysyłajuć z Polščy paśla incydentaŭ na kancercie Maksa Karža