BIEŁ Ł RUS

U Homieli za palityku pasadzili advakata

15.08.2025 / 14:23

Nashaniva.com

Siarhiej Chłystoŭ atrymaŭ prysud pa dvuch artykułach.

Siarhiej Chłystoŭ. Fota: brka.by

U Homielskim abłasnym sudzie vynieśli prysud 58-hadovamu advakatu Siarhieju Chłystovu. Jaho abvinavačvali pa dvuch palityčnych artykułach — raspalvańnie varožaści (častka 1 artykuła 130 Kryminalnaha kodeksa) i zakliki da pryčynieńnia škody nacyjanalnaj biaśpiecy Biełarusi (častka 3 artykuła 361).

Raniej Siarhiej Chłystoŭ pracavaŭ u advakackim biuro «Liha prava hrup», ale kali instytut advakackich biuro byŭ źniščany, pierajšoŭ u jurydyčnuju kansultacyju Navabielickaha rajona Homiela.

Pa infarmacyi «Viasny», Chłystova zatrymali razam ź inšymi dvuma advakatami, u tym liku zahadčykam jurydyčnaj kansultacyi. Paźniej dvaich advakataŭ vyzvalili, ale zahadčyka jurkansultacyi zvolnili z pasady.

Chłystova dadali ŭ milicejski śpis «ekstremistaŭ», tam paznačana, što jon užo adbyvaje pakarańnie. Dakładna prysud nieviadomy.

Čytajcie taksama:

Kamientary da artykuła