Kłub z čempijanatu Kipra abviaściŭ pra padpisańnie biełaruskaha futbalista
Abaronca Pavieł Zabielin padpisaŭ kantrakt z «Akrytasam Chłaraka» z Pafasa.
Fota: FK «Akrytas»
Apošnim kłubam biełarusa byŭ «Sokał» z rasijskaj pieršaj lihi. Za sarataŭcaŭ u minułym siezonie hulec pravioŭ 28 matčaŭ va ŭsich turnirach, u jakich adznačyŭsia zabitym miačom i čatyry razy atrymaŭ papiaredžańnie, paviedamlaje «Biełaruski futboł».
«Akrytas» z 54 bałami zaviaršyŭ siezon-2024/25 na treciaj pazicyi ŭ turnirnaj tablicy druhoha dyvizijona Kipra i vyjšaŭ u vyšejšy dyvizijon.
U vyšejšych dyvizijonach u Jeŭropie biełarusy hulajuć u Bałharyi (dva čałavieki), Bośnii i Hiercahavinie (1), Hrecyi (1), na Kipry (1), Partuhalii (1), Polščy (2), Sierbii (1), Słavienii (1).
Što da krain byłoha SSSR, to najbolšaja dyjaspara ŭ vyšejšym dyvizijonie Kazachstana (15), u Rasii (8), Kyrhyzstanie (8). Małdova (3), Litva (2), Hruzija (1), Armienija (1).
Čytajcie taksama:
Biełaruski futbalist budzie hulać u jeŭrapiejskim čempijanacie