Ukraina i Rasija praviali novy abmien pałonnymi. Jon mieŭ asablivaści
14 žniŭnia pamiž Ukrainaj i Rasijaj adbyŭsia praz terytoryju Biełarusi čarhovy abmien pałonnymi ŭ farmacie 84 na 84 čałavieki.
Fota: Kaardynacyjny štab pa pytańniach pavodzin z vajennapałonnymi
Kaardynacyjny štab Ukrainy paviedamiŭ, što na radzimu viarnulisia 33 ukrainskija vajskoŭcy i 51 cyvilnaja asoba.
Asablivaściu hetaha abmienu stała toje, što siarod vyzvalenych byli ludzi, zatrymanyja jašče da pačatku poŭnamaštabnaha ŭvarvańnia i asudžanyja na praciahłyja terminy — ad 10 da 18 hadoŭ. Adzin z vyzvalenych pravioŭ u pałonie 4013 dzion — jaho zachapili ŭ Danieckaj vobłaści jašče ŭ 2014 hodzie.
Dadomu taksama viarnulisia ŭkraincy, zatrymanyja i asudžanyja ŭ 2016—2021 hadach. Siarod ich — try žančyny z Danieckaj i Łuhanskaj abłaściej, adna ź jakich — nastaŭnica pačatkovych kłasaŭ, pazbaŭlenaja voli ŭ 2019 hodzie.
Pavodle danych Ministerstva abarony Rasii, rasijskija vajskoŭcy ciapier znachodziacca ŭ Biełarusi, dzie im akazvajuć miedycynskuju i psichałahičnuju dapamohu. Paśla hetaha ich dastaviać u Rasiju.
Čytajcie taksama:
Sakretny kanał abmienu pałonnymi pamiž Rasijaj i Ukrainaj. Nieviadomyja raniej detali apieracyi