Hrybnik pajšoŭ u lisički i sustreŭ «ptušku-dynazaŭra»
«Chtości strašniejšy za miadźviedzia na maim šlachu», — pažartavaŭ mužčyna.
Skrynšoty videa
Biełarus vykłaŭ videa ŭ tyktoku, jak pajšoŭ u lisički ŭ Nalibockaj puščy i sustreŭ redkuju ptušku.
«Chtości strašniejšy za miadźviedzia na maim šlachu. Dy heta ž bajcoŭski hłušec», — žartaŭliva padpisaŭ videa mužčyna.
«Chacieŭ sabrać lisički, a tut taki dynazaŭr», — napisaŭ jon.
Hłušec — heta adna z samych bujnych ptušak u biełaruskich lasach, z atrada kurynych. Sustreć ich možna niačasta. Jany žyvuć u hustych lasach Minskaj, Bresckaj i Viciebskaj abłaściej. Hłušec maje vydatnyja słych i zrok, a tamu zaŭvažaje čałavieka zdalok.
Samiec važyć kala piaci kiłahramaŭ (jak indyk), samki mienšyja — kala troch kiłahramaŭ.
Videa hrybnika sabrała miljon prahladaŭ.