Turcyja hatovaja pryniać sustreču Pucina i Zialenskaha

Prezident Turcyi Redžep Taip Erdahan prapanavaŭ pravieści sustreču pamiž prezidentami Ukrainy i Rasii Uładzimiram Zielenskim i Uładzimiram Pucinym u Turcyi. Pra heta jon paviedamiŭ padčas telefonnaj razmovy ź Zialenskim.

Redžep Taip Erdahan i Uładzimir Zialenski. Fota: Turkish Presidency/Murat Cetinmuhurdar / Handout/Anadolu via Getty Images

Erdahan skazaŭ, što Turcyja hatovaja pryniać samit na vysokim uzroŭni, i vykazaŭ upeŭnienaść, što stvareńnie pracoŭnych hrup pa vajskovych, humanitarnych i palityčnych pytańniach dapamoža padrychtavać takuju sustreču.

Jon taksama vykazaŭ nadzieju, što nastupnyja raŭndy pieramoŭ pamiž Ukrainaj i Rasijaj pryviaduć da važnych vynikaŭ i spynieńnia ahniu na šlachu da tryvałaha miru. Akramia taho, Erdahan padkreśliŭ padtrymku suvierenitetu i terytaryjalnaj cełasnaści Ukrainy.

Zielenski ŭ svaju čarhu adznačyŭ, što lubyja pieramovy biez udziełu Ukrainy nie pryniasuć doŭhaterminovaha miru. Jon padkreśliŭ, što impravizavany, a nie ščyry mir nie budzie tryvałym i moža spryjać dalejšamu zachopu terytoryj Rasijaj.

Prezident Ukrainy dadaŭ, što jon hatovy da roznych farmataŭ sustreč, kab spynić zabojstvy i skončyć vajnu. Erdahan paćvierdziŭ, što Turcyja hatovaja arhanizavać samit lidaraŭ Ukrainy, ZŠA, Rasii i Turcyi.

Kamientary da artykuła