Linhvistyčny ŭniviersitet ciapier budzie zvacca inačaj. Raniejšuju nazvu Łukašenka paličyŭ «maciernaj»
Minski dziaržaŭny linhvistyčny ŭniviersitet (MDŁU) aficyjna pamianiaŭ svaju nazvu. Ciapier jon nazyvajecca Biełaruskim dziaržaŭnym univiersitetam zamiežnych moŭ (BDUZM).
Na sajcie byłoha MHŁU źjaviłasia navina, što 6 žniŭnia 2025 hoda ministr adukacyi Biełarusi aficyjna zaćvierdziŭ pierajmienavańnie ŭniviersiteta i ŭnios adpaviednyja źmieny ŭ jaho statut.
Akramia taho, 8 žniŭnia Minski haradski vykanaŭčy kamitet zarehistravaŭ novuju nazvu ŭ adzinym dziaržaŭnym rejestry jurydyčnych asob i pradprymalnikaŭ i vydaŭ adpaviednaje paśviedčańnie.
Na ruskaj movie ŭstanova budzie nazyvacca Biełorusskij hosudarstviennyj univiersitiet inostrannych jazykov (BHUIJA), a na anhlijskaj — Belarusian State University of Foreign Languages (BSUFL).
Užo staruju nazvu «Minski dziaržaŭny linhvistyčny ŭniviersitet» VNU atrymała ŭ 1993 hodzie, a raniej jana nazyvałasia Minskim dziaržaŭnym piedahahičnym instytutam zamiežnych moŭ.
Hetaje pierajmienavańnie vidavočna źviazana z tym, što ŭ listapadzie 2024 hoda na hetu «prablemu» źviarnuŭ uvahu sam Łukašenka. Pamiž im i jahonymi čynoŭnikami tady adbyłasia razmova, jakuju pracytavali prapahandysty:
— Byŭ iniaz.
— Byŭ.
— Nu a čaho maciernymi słovami abazvali?
— Heta dakładniej, lepš ci modna było?
— Była takaja moda — pierajmianoŭvać.
— Byŭ instytut — staŭ univiersitet.
— Kali pytajucca darohu, kažuć: dzie MDŁU nie viedajem. A iniaz…
— Heta ž maciernaje słova.
— Jak narhas.
— Ledź nie ŁHBT.
Raniej u Viciebsku pierajmienavali fakultet, nazvu jakoha Łukašenka nazvaŭ «maciernaj».
Čytajcie taksama:
Łukašenka prapanavaŭ viarnuć Linhvistyčnamu ŭniviersitetu raniejšuju nazvu
U Viciebsku pierajmienavali fakultet, nazvu jakoha Łukašenka nazvaŭ «maciernaj»