Siaredni košt arendy kvatery ŭ Minsku pavialičyŭsia na 10-15%
Kiraŭnica adździeła arendy hrupy kampanij «Tvaja stalica» Marharyta Pačyckaja adznačyła, što z pačatku leta prapanova žylla na rynku krychu źmienšyłasia, bo źjavilisia novyja arandatary z Rasii i inšych krain SND, piša «SB — Biełaruś siehodnia».
Fota ilustracyjnaje. Skrynšot ź jutuba
Hetaja tendencyja pačałasia jašče letaś: častka ludziej z Rasii i inšych krain SND pryjazdžaje ŭ Biełaruś na ciopły siezon, kab adpačyć, palepšyć zdaroŭje abo prosta źmianić abstanoŭku.
U vyniku ceny na arendu vyraśli. Kali ŭ 2024 hodzie jany pavialičylisia na 10—15%, to ŭ 2025-m dadali jašče stolki ž.
Na situacyju paŭpłyvali ŭmacavańnie biełaruskaha rubla adnosna dalara, rost dachodaŭ nasielnictva i toje, što z rynku pastupova źnikajuć «babuliny kvatery» — samyja tannyja varyjanty.
Niekatoryja ŭładalniki takoha žylla zdajuć jaho nadoŭha, inšyja robiać ramont, kab pavysić dachod. Na rynak usio čaściej vychodziać novabudoŭli z dobrym ramontam i zručnym raźmiaščeńniem, tamu ŭłaśniki starych kvater taksama starajucca palepšyć žyllo i padniać canu. Pry hetym arendadaŭcy razumiejuć, što z arandatarami sučasnych kvater zvyčajna mienš prablem.
Akramia taho, siaredni arandatar ciapier maładziejšy i addaje pieravahu akuratnym, sučasnym i całkam abstalavanym kvateram.
Čytajcie taksama:
Novyja žyłyja kvartały pabudujuć pablizu Minska. Jakimi jany buduć