MZS raskazała, što ciapier ź biełarusami, vyzvalenymi z pracoŭnaha rabstva
Ministerstva zamiežnych spraŭ Biełarusi paćvierdziła fakt vyzvaleńnia ŭ Ispanii biełarusaŭ, jakija padviarhalisia pracoŭnaj ekspłuatacyi. Na radzimu jany pakul nie viarnulisia.
Fota: palicyja Ispanii
Jak zajaviŭ pres-sakratar Ministerstva zamiežnych spraŭ Biełarusi Rusłan Varankoŭ, pasolstva Respubliki Biełaruś u Madrydzie «nieadkładna dałučyłasia da pracy i padtrymlivaje pastajanny kantakt ź ispanskimi pravaachoŭnymi orhanami».
«Našy dypłamaty hatovyja akazać vyzvalenym hramadzianam nieabchodnuju kansulska-pravavuju padtrymku i zabiaśpiečyć supravadžeńnie va ŭsich pytańniach uzajemadziejańnia ź miascovymi ŭładami», — skazaŭ jon.
Pry hetym praciahvajucca śledčyja dziejańni. Paśla ich zaviaršeńnia biełarusam «budzie zabiaśpiečana mahčymaść biaśpiečnaha viartańnia na Radzimu».
Učora stała viadoma, što ŭ Ispanii likvidavali złačynnuju arhanizacyju, jakaja zajmałasia vytvorčaściu i raspaŭsiudžvańniem kantrafaktnaj i kantrabandnaj tytuniovaj pradukcyi ŭ pravincyjach Małaha, Kordava i Sievilja na poŭdni krainy. Na padpolnych fabrykach znajšli i vyzvalili 18 hramadzian troch krain — Biełarusi, Kitaja i Vjetnama.