«Minsktrans» admianiŭ niekatoryja aŭtobusy Minsk — Vilnia
Pradpryjemstva admianiaje šerah aŭtobusaŭ pamiž dvuma stalicami.
«Dziaržaŭnym pradpryjemstvam «Minsktrans» z 14 žniŭnia da atrymańnia nieabchodnych dazvolnych dakumientaŭ časova prypyniajecca vykanańnie rejsaŭ pa mižnarodnym maršrucie Minsk — Vilnia — Minsk z časam adpraŭleńnia ź Minska ŭ 01:50, 10:20, 12:00, ź Vilni ŭ 08:00, 17:30, 18:00», — havorycca ŭ paviedamleńni.
Taksama ŭčora stała viadoma, što bujny aŭtapieravozčyk «Jeŭrałajns» admianiaje da 75 pracentaŭ rejsaŭ pamiž Minskam i Vilniaj.
Tak na 12 žniŭnia byli admienieny 20 rejsaŭ z 26 pamiž Biełaruśsiu i Litvoj. Zastalisia tolki rejsy ź Minska ŭ Vilniu na 14:20, 16:00 i 20:00, a taksama ź Vilni ŭ Minsk na 6:40, 9:00 i 13:00. Toje ž tyčyłasia i 13 žniŭnia.
Aficyjnaja pryčyna takoj situacyi pieravozčykam nie ahučvałasia. Tyja, kamu pašancavała źviazacca sa słužbaj padtrymki, atrymali vietlivy adkaz, što pieravozčyk robić usio mahčymaje dla taho, kab vypravić situacyju.