Biełarusa zatrymali ŭ Polščy za niećviarozaje kiravańnie

11 žniŭnia palicyja horada Sakołaŭ-Padlaski Mazavieckaha vajavodstva paviedamiła, što miascovyja palicyjanty spynili dla pravierki lehkavy Opel. Za rulom byŭ 32-hadovy hramadzianin Biełarusi, jaki nie pavinien byŭ siadać za rul — u jaho ŭ kryvi było bolš za dva pramile śpirtnoha.

Fota ilustracyjnaje

Incydent adbyŭsia 10 žniŭnia kala 4:20 ranicy na vulicy Svabody. Palicyjanty zaŭvažyli, što aŭtamabil ruchaŭsia niaroŭna, a ruchavik niekalki razoŭ hłuchnuŭ adrazu paśla zapusku. Jany padjechali, kab pravieryć situacyju i pry nieabchodnaści, dapamahčy. Pry razmovie vyśvietliłasia, što kiroŭca maje prykmiety mocnaha ałkaholnaha apjanieńnia.

Pravierka ałkatestaram paćvierdziła: utrymańnie ałkaholu bolš za dva pramile. Mužčynu zatrymali i źmiaścili ŭ izalatar časovaha ŭtrymańnia. Jamu pahražaje da troch hadoŭ pazbaŭleńnia voli za kiravańnie transpartam u stanie apjanieńnia.

Kamientary da artykuła