Cichanoŭskaja napiaredadni sustrečy Trampa i Pucina: My nie pavinny dazvolić Maskvie stvarać śfiery ŭpłyvu
Luboje pahadnieńnie z Rasijaj pavinna praduhledžvać udzieł Jeŭrapiejskaha sajuza, zajaviła lidarka demakratyčnych sił Śviatłana Cichanoŭskaja ŭ śviatle zapłanavanaj sustrečy prezidenta ZŠA Donalda Trampa i kiraŭnika RF Uładzimira Pucina.
Pavodle słoŭ Cichanoŭskaj, havorka idzie nie tolki pra Ukrainu, ale i pra ŭvieś jeŭrapiejski rehijon, uklučajučy Biełaruś i Małdovu.
Cichanoŭskaja padkreśliła, što kožnaja kraina ŭ rehijonie budzie zakranuta takoj damovaj, i zaklikała nie dapuścić stvareńnia Maskvoj śfier upłyvu.
«Lubaja damova z Rasijaj pavinna taksama ŭklučać i ES — heta nie tolki pra Ukrainu, ale pra ŭvieś jeŭrapiejski rehijon, uklučajučy Biełaruś i Małdovu.
Kožnaja kraina ŭ našym rehijonie budzie zakranuta takoj damovaj. My nie pavinny dapuścić, kab Maskva (Rasija) stvarała śfiery ŭpłyvu», — napisała jana.