Ціханоўская напярэдадні сустрэчы Трампа і Пуціна: Мы не павінны дазволіць Маскве ствараць сферы ўплыву
Любое пагадненне з Расіяй павінна прадугледжваць удзел Еўрапейскага саюза, заявіла лідарка дэмакратычных сіл Святлана Ціханоўская ў святле запланаванай сустрэчы прэзідэнта ЗША Дональда Трампа і кіраўніка РФ Уладзіміра Пуціна.
Паводле слоў Ціханоўскай, гаворка ідзе не толькі пра Украіну, але і пра ўвесь еўрапейскі рэгіён, уключаючы Беларусь і Малдову.
Ціханоўская падкрэсліла, што кожная краіна ў рэгіёне будзе закранута такой дамовай, і заклікала не дапусціць стварэння Масквой сфер уплыву.
«Любая дамова з Расіяй павінна таксама ўключаць і ЕС — гэта не толькі пра Украіну, але пра ўвесь еўрапейскі рэгіён, уключаючы Беларусь і Малдову.
Кожная краіна ў нашым рэгіёне будзе закранута такой дамовай. Мы не павінны дапусціць, каб Масква (Расія) стварала сферы ўплыву», — напісала яна.