Pryčynaj DTZ u Hrodzienskaj vobłaści, dzie zahinuli try čałavieki, stali składanyja ŭmovy nadvorja
U MUS raskazali padrabiaznaści śmiarotnaha DTZ u Hrodzienskaj vobłaści — adzin z aŭtamabilaŭ u składanych umovach nadvorja vyjechaŭ na sustrečnuju pałasu.
Fota: MUS
Avaryja adbyłasia 10 žniŭnia kala 18.20 niedaloka ad Kazłoŭščyny Dziatłaŭskaha rajona. U vyniku DTZ zahinuli 47-hadovy kiroŭca i 47-hadovaja pasažyrka aŭtamabila «Reno», 48-hadovy kiroŭca «Mersedesa».
U DTZ paciarpieli jašče troje niepaŭnaletnich (4, 12 i 17 hadoŭ) i dvoje darosłych — 23 i 24 hadoŭ. Im akazvajecca miedycynskaja dapamoha.
«Pavodle papiaredniaj infarmacyi, kiroŭca «Mersedesa» ŭ składanych umovach nadvorja vyjechaŭ na ustrečnuju pałasu i ździejśniŭ sutyknieńnie z «Reno», — skazaŭ v.a. načalnika ŭpraŭleńnia DAI UUS Hrodzienskaha abłvykankama Alaksandr Sieda.
Na miescy zdareńnia pracavała śledča-apieratyŭnaja hrupa. Zaviedziena kryminalnaja sprava pa č. 3 art. 317 (parušeńnie PDR, jakoje pa nieaściarožnaści paciahnuła śmierć dźviuch i bolš asobaŭ) Kryminalnaha kodeksa.