Maksim Mirny staŭ kansultantam u trenierskim štabie Aryny Sabalenki
Maksim Mirny ŭvajšoŭ u trenierski štab Aryny Sabalenki ŭ jakaści kansultanta na turniry ŭ Cyncynaci i budučy US Open-2025, piša Nacyjanalny alimpijski kamitet.
Maksim Mirny. Fota: NAK
Sabalenka ŭžo praviała treniroŭki ź Mirnym u ZŠA.
Maksim Mirny — alimpijski čempijon 2012 hoda ŭ pary ź Viktoryjaj Azarankaj, šmatrazovy pieramožca turniraŭ Vialikaha šlema ŭ pary, adzin z samych paśpiachovych tenisistaŭ u historyi Biełarusi.
U 2023 hodzie Maksim Mirny pakajaŭsia za toje, što ŭ 2020-m publična padtrymaŭ biełaruski narod, a nie režym Łukašenki. U žniŭni 2020 hoda, kali ŭ Biełarusi paśla sfalsifikavanych prezidenckich vybaraŭ razharelisia pratesty, jon vystupiŭ suprać hvałtu i zaklikaŭ mižnarodnuju supolnaść dapamahčy jaho spynić. Toj pratesny post byŭ vydaleny ź instahrama Mirnaha tolki ŭ kancy lutaha 2021 hoda.
Paźniej stała viadoma, što ŭ Maksima vyjavili złajakasnuju puchlinu ŭ hałavie. Spartsmienu praviali trepanacyju čerapa i vydalili puchlinu ŭ adnoj ź minskich balnic.